Душанбе. 5-уми сентябр. ОИ «Азия-Плюс» - Президенти Тоҷикистон Эмомалӣ Раҳмон дар Маҷлиси Шӯрои амнияти сарони кишварҳои узви Созмони аҳдномаи амнияти дастаҷамъӣ, ки рӯзҳои 5-6-уми сентябр дар шаҳри Маскав баргузор мегардад, иштирок хоҳад кард.
Иштирокчиёни маҷлис лоиҳаи низомномаро дар бораи маблағгузорӣ ва амалӣ сохтани барномаҳои мақсадноки алоҳидаи байнидавлатии СААД ва нақшаи машваратҳоро бахшида ба масъалаҳои сиёсати берунӣ, амният ва мудофиа дар давраи нимаи дуюми соли 2008 ва нимаи аввали соли 2009
ва омода сохтани мутахассисони хадамоти гуногуни амниятиро дар кишварҳо муҳокима мекунанд. Дар Маҷлиси Шӯро сарвари давлатро вазири мудофиаи ҷумҳурӣ Шералӣ Хайруллоев, вазири умури хориҷии Тоҷикистон Ҳамрохон Зарифӣ ва дигар шахсони расмӣ ҳамроҳӣ мекунанд.
Интизор меравад, ки дар маҷлис масъалаи қазияи Қафқоз пас аз даргириҳо дар Осетияи Ҷанубӣ ва Гурҷистон низ мавриди муҳокима қарор хоҳад гирифт.
Инчунин ҷараёни иҷрои нақшаи ҳамкории низомии мамлакатҳои аъзои созмон то соли 2010, аз ҷумла, ташкили гурӯҳи муттаҳидаи артиши амнияти дастаҷамъии минтақаи Осиёи Марказӣ баррасӣ карда мешавад.
Айни ҳол Арманистон, Белорусия, Қазоқистон, Қирғизистон, Русия, Тоҷикистон ва Ӯзбекистон аъзои Созмони аҳдномаи амнияти дастаҷамъӣ мебошанд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста