Тибқи як қатор тағйироту иловаҳои воридшуда ба қонунҳои ҷумҳурӣ, ки имрӯз дар иҷлосияи Маҷлиси намояндагони Маҷлиси Олии Тоҷикистон маъқул шуморида шуданд, барои вакилони ҳамаи сатҳҳо донистани забони давлатӣ ҳатмӣ шуд.
Ба қонунҳои ҶТ «Дар бораи интихоботи Маҷлиси Олӣ», «Дар бораи интихоботи вакилон ба Маҷлисҳои маҳаллии вакилони халқ» ва «Дар бораи мақомоти худидоракунии шаҳрак ва деҳа» тағйироту иловаҳо ворид гардиданд, ки мутобиқи онҳо, аз ин ба баъд аъзои палатаи болоии парлумони ҷумҳурӣ, вакилони Маҷлиси намояндагони Маҷлиси Олии ҶТ ва вакилони Маҷлисҳои маҳаллии вакилони халқ бояд ҳатман забони давлатиро донанд.
Дар суханронӣ назди вакилон оид ба ин масъала раиси Кумитаи забон ва истилоҳоти назди ҳукумати ҶТ Додихудо Саймиддинов изҳор кард, ки мутобиқи Сарқонун, тамоми асноди меъёрӣ-ҳуқуқӣ дар ҳамаи сатҳҳо бо забони давлатӣ таҳия ва қабул мешаванд ва аз ин рӯ, шахсоне, ки ба таҳияи қонунҳо машғуланд, бояд забони давлатиро донанд.
Дар робита ба ин масъала вакили парлумон, раиси Ҳизби наҳзати исломии Тоҷикистон Муҳиддин Кабирӣ чунин ибрози андеша намуд, ки тағийроту иловаҳои мазкур мантиқианду ба шарҳу тавзеҳ ниёз надоранд, вале дар онҳо механизми муайян кардани сатҳи донистани забони давлатӣ аз ҷониби вакилон зикр нашудааст.
Ба гуфтаи Д.Саймиддинов, сатҳи забони давлатиро донистани вакилони оянда ҳангоми маъракаи пешазинтихоботӣ аз ҷониби комиссияҳои интихоботии дахлдор муайян карда хоҳад шуд.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста