Марҳилаи нави гуфтушунидҳо оид ба масоили марзӣ байни Тоҷикистону Қирғизистон дар сатҳи муовинони нахуствазирони кишварҳо санаи 20 июн дар Душанбе доир мегардад. Дар ин бора ба «Азия-Плюс» як манбаъ аз ҳукумати ҷумҳурӣ иттилоъ дод.
Муовинони нахуствазирони Тоҷикистон Азим Иброҳим ва Қирғизистон Жениш Раззоқов масъалаҳои суръат бахшиданро ба ҷараёни таъйин ва аломатгузорӣ дар сарҳади давлатии ҳарду кишвар баррасӣ мекунанд.
Ёдрас мекунем, ки дар доираи нишасти сарони кишварҳои узви СҲШ дар Чин санаи 9 июн президенти Тоҷикистон Эмомалӣ Раҳмон ва президенти Қирғизистон Сооронбой Жээнбеков барои ҳарчи зудтар ҳаллу фасл кардани масоили марбут ба сарҳадӣ давлатӣ, пешниҳод намуданд, ки Созишнома дар бораи сарҳади давлатӣ ва Созишномаи байниҳукуматӣ дар бораи манъи баргузории фаъолияти хоҷагидорӣ дар хатти сарҳади давлатӣ то анҷоми марҳилаи муайян ва таксими хатти сарҳад ба имзо расад.
Он замон сарони кишварҳо қайд карданд, ки барои ҳаллу фасли як қатор масъалаҳои иҷтимоӣ ва иқтисодӣ ба гузаргоҳи «Қарамиқ» додани мақоми байнулмилалӣ зарур аст.
Муовини нахуствазири Қирғизистон Жениш Раззоқов ҳамчунин дар кори Конфронси байналмилалии сатҳи баланд оид ба Даҳсолаи байналмилалии амал “Об барои рушди устувор”, барои солҳои 2018-2028, ки рӯзҳои 20-22 июн дар Душанбе баргузор мешавад, иштирок мекунад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста