Чанде қабл мулоқоти Сардори Хадамоти муҳоҷират Девонаев С.А. бо Сафири фавқулодда ва мухтори Ҷумҳурии Белорус дар Ҷумҳурии Тоҷикистон Гаврук О.А. доир гардид.
Тавре аз Маркази матбуоти Хадамоти муҳоҷирати назди ҳукумати ҶТ хабар доданд, ҳангоми мулоқот масъалаҳои ратификатсияи Созишномаи байни Ҳукумати Ҷумҳурии Тоҷикистон ва Ҷумҳурии Белорус дар соҳаи муҳоҷирати меҳнатӣ, ки моҳи октябри соли 2011 зимни дидори расмии Президенти Ҷумҳурии Белорус дар Ҷумҳурии Тоҷикистон ба имзо расида буд, мавриди муҳокима карор гирифт.
Сардори Хадамоти муҳоҷират оид ба Созишномаи байни Хадамоти муҳоҷирати назди Ҳукумати Ҷумҳурии Тоҷикистон ва Вазорати корҳои дохилии Ҷумҳурии Белорус оид ба ҳамкорӣ дар соҳаи муҳоҷират, ки баъди мувофиқат бо вазорату идораҳо Ҷумҳурии Тоҷикистон дар санаи 4 январи соли 2012 барои баррасӣ ба Ҷумҳурии Булорус равон карда шуда буд, маълумоти мухтасар дод.
Ҷонибҳо ба таври муфассал оид ба масъалаҳои будубоши қонунии муҳоҷирони меҳнатии шаҳрвандони Ҷумҳурии Тоҷикистон дар ҳудуди Ҷумҳурии Белорус инчунин, пайдо намудани гурӯҳҳои корфармо дар Белорус ва ҷалби муташаккилонаи муҳоҷирон ва сафарбарнамудани онҳо аз Тоҷикистон ба Белорус, татбиқи барномаҳои давлатӣ, инкишофи шаҳракҳои кишоварзӣ дар Белорус ва иштироки муҳоҷирони меҳнатӣ дар амалӣ намудани онҳо гуфтугузори судманд анҷом доданд.
Ҳамчунин, зимни ин мулоқот масъалаҳои дурнамои ҳамкориҳо дар соҳаи муҳоҷират мавриди муҳокима қарор гирифтанд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста