Дар ҷаласаи судии пӯшида дар суди ноҳияи Исмоили Сомонӣ судя ҷонибҳоро ба мусолиҳа даъват карда, аз бародарон Тӯраҷонзодаҳо даъват кард, ки даъвояшон аз болои раиси Шӯрои уламо Саидмукаррам Абдуқодирзодаро бозпас бигиранд.
Пас аз баррасии шартҳои оштӣ ҷонибҳо розӣ шуданд, ки баҳри расидан ба он кӯшиш ба харҷ хоҳанд дод.
Ҳоҷӣ Акбар Тӯраҷонзода гуфт, онҳо омодаанд бо иҷрои се шарт аз ҷониби ҷавобгар аз даъво гузаранд ва ин шартҳо иборатанд аз: бекор кардани қарори Шӯрои уламо, ки дар он хонаводаи Тӯраҷонзодаҳоро ба шиагароӣ ва барангехтани ҷанги дохилӣ муттаҳам карда шуда буд; иҷозати ба фаъолият пардохтани масҷиди Муҳаммадия ва барқарор кардани бародари Тӯраҷонзода ба вазифаи имомхатиби масҷиди мазкур.
Ба гуфтаи Тӯраҷонзода, даъвогарон ҳамчунин пешниҳод кардаанд, ки онҳоро ба ҷаласаи Шӯрои уламо, ки дар он масъалаи қабули изҳороти нав ва носаҳеҳ будани изҳороти пешин баррасӣ мешавад, даъват намоянд.
Эшони Нуриддин Тӯраҷонзода низ аз пешниҳоди судя изҳори қаноатмандӣ карда, боварии худро ба оштӣ шудани ҷонибҳо баён кард.
Бузаргмеҳр Ёров, адвокати хонаводаи Тӯраҷонзодаҳо, изҳор кард, ки муфтӣ Саидмукаррам Абдуқодирзода ба баррасии шартҳои мусолиҳа ва бозпас гирифтани даъво аз ҷониби бародарон Тӯраҷонзодаҳо изҳори омодагӣ намудааст.
«Ҷавобгар гуфт, ба ӯ зарур аст, ки андешаи намояндагони Шӯрои уламо оид ба ин масоилро бифаҳмад. Дар ҳамин ҳол, муфтӣ изҳор кард, ки ҳалли масъалаҳои кушодану бастани масҷидҳо, таъин ва аз кор озод кардани имомхатибон, ки ба Шӯрои уламо тобеъ нестанд, ба салоҳияти Шӯро дохил нестанд», - гуфт Бузургмеҳр Ёров бо такя ба суханони Абдуқодирзода.
Худи муфтӣ Саидмукаррам Абдуқодирзода аз ҳама гуна шарҳ худдорӣ кард. Ҷаласаи навбатии судӣ ба рӯзи 6-уми феврал таъин карда шуд. Ин муҳлатест, ки суд барои иҷрои шартҳои оштӣ муқаррар кардааст.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста