Б. Зуҳуров сабаби қатъи дастрасӣ ба торнамои «Азия-Плюс»-ро шарҳ дод
10:05, 13 июн, 2012Муаллиф: Asia-Plus
Сабаби қатъи дастрасӣ ба сомона роҳ додан ба нашри шарҳу андешаҳои иғвобарангези корбарони торнамо унвон шудааст.
Душанбе. 13-уми июн. «Азия-Плюс» — Хадамоти алоқаи назди ҳукумати ҶТ ба идораи хабаргузории «Азия-Плюс» қарор дар бораи қатъи дастрасӣ ба торнамои медиа-холдинг (www.news.tj (www.asiaplus.tj)-ро шифоҳӣ шарҳу тавзеҳ дод.
Ёдрас мекунем, ки дирӯз ба ширкатҳои фароҳамсоз (провайдерон)-и интернети кишвар бо мазмуни «бо сабабҳои техникӣ ва корҳои профилактикӣ» қатъ кардани дастрасӣ ба торнамои «Азия-Плюс» аз Хадамоти алоқаи назди ҳукумати ҶТ мактуб расидааст. Нимаи дуюми рӯз чанде аз фароҳамсозони интернет ин талаби Хадамоти алоқаро ба иҷро расониданд.
Тавре ба масъулони торнамои «Азия-Плюс» сардори Хадамоти алоқаи назди ҳукумати ҶТ Бег Зуҳуров хабар дод, сабаби қатъи дастрасӣ ба сомона роҳ додан ба нашри шарҳу андешаҳои иғвобарангези корбарони торнамо будааст.
Ба гуфтаи ӯ, як қатор шарҳу андешаҳои корбарони сомона дар поварақи хабару мақолаҳо аз туҳмату таҳқир ба унвони мансабдорони баландпояи ҷумҳурӣ иборат будаанд.
Идораи хабаргузорӣ ба гирифтани як шарҳ, ки ба андешаи сардори Хадамоти алоқа мухолифи қонунгузорӣ аст, тасмим гирифт ва дар навбати худ, Бег Зуҳуров ваъда дод, ки ояндаи наздик мушкилоти дастрасӣ ба сомонаи хабаргузорӣ ҳал мешавад.
Идораи хабаргузорӣ нома ба 14 ширкатҳои фароҳамсози интернет дар бораи қатъи дастрасӣ ба торнамои медиа-холдингро дар ихтиёр дорад, вале бинобар муҳри махфият доштани мактуб, онро дар торнамо интишор карда наметавонад.
Ани замон идораи хабаргузорӣ барои ҷойгир кардани маводи иттилотии худ аз прокси-сомонаҳо низ истифода мекунад.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста