Имрӯз дар саросари ҷаҳон Рӯзи байналмилалии донори хун қайд карда мешавад. Ба ин муносибат дар Маркази ҷумҳурияви илмии хун дар шаҳри Душанбе аксияи якҳафтаинаи «Қатраи хуни ту наҷотбахши ҳаётест» оғоз гардид.
Чӣ тавре ки ба ОИ «Азия-Плюс» муовини директори Маркази ҷумҳуриявии илмии хун Нуралӣ Ашӯралиев хабар дод, то нимаи рӯз дар марказ аллакай 400 нафар ихтиёран хун супориданд, ки аслан кормандони соҳати тиб буданд ва то бегоҳ 500-700 хунсупорӣ дар назар аст.
Ба гуфтаи Ашӯралиев, аксияи мазкур то 21-уми июн идома ёфта, дар ин давра ҳар як хоҳишманд метавонад ба марказ омада хун супорад ва дар кори наҷоти ҳаёти мардум саҳм бигузорад. «Тамоми хуни супурдашуда аз санҷиши зарурӣ гузашта, сипас барои нигаҳдорӣ захира мегардад», - гуфт ӯ.
Дар робита ба масъалаи шумори донорони хун дар кишвар номбурда гуфт, тибқи маълумот соли гузашта дар марказ шумори онҳо 20 ҳазор нафар ва дар саросари ҷумҳурӣ беш аз 37 ҳазор нафарро ташкил медиҳад. Тӯли солҳои соҳибистиқлолӣ 67 ҳазор нафар дар кишвар ба унвони «Донори фахрӣ» мушарраф гардида, айни замон ҳуҷҷатҳои боз 11 нафар барои гирифтани ин унвон омода шудаанд.
Ашӯралиев мегӯяд, феълан дар марказ 800 литр хуни захира мавҷуд аст. Айни замон Маркази ҷумҳуриявии илмии хун дорои ду гурӯҳи зудамал ва автомобилҳои махсус мебошад, ки барои интиқоли хун ба манотиқи кишвар ва баргузории таҳқиқот заруранд.
Ин мошинҳо бо барқи мустақил таъминанд ва ҳамчунин дар дохили онҳо яхдонҳои махсус барои сафар, ҷои махсус барои оббозӣ ва ташноб мавҷуд аст.
Худи марказ дар таъмини нармкурсиҳо ва таҷҳизот барои ҷудо намудани ҷузъҳои хун, коркарду ташхиси хун кӯмак мерасонад.
Дар соли 2011 дар ҷумҳурӣ 30 ҳазор хунсупорӣ ба амал омадааст, ки ин тақрибан 15 000 литрро ташкил медиҳад.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста