Аз 14-уми август дар қаламрави вилояти Суғд пахши барномаҳои радиои «Азия-Плюс» дар диапазони FM дар басомади 104.4 Mhz оғоз гардид.
Тавре директори генералии радио Парвона Аҳрорӣ дар ин робита хабар дод, акнун барномаҳои радиои «Азия-Плюс»-ро метавон дар шаҳри Хуҷанд, Чкаловск ва ноҳияҳои Зафарободу Бобоҷон Ғафуров низ шунид. Интиқоли мавҷ бо дастгирии фаннии ширкати «Вавилон-Т» имконпазир гардид.
Аудиторияи имконпазир дар ин минтақа ҳудуди 600 ҳазор нафарро ташкил медиҳад. Дар маҷмӯъ аудиторияи радиои «Азия-Плюс» дар шаҳри Душанбе ва навоҳии тобеи марказ ба наздики 1 млн. нафар баробар аст. Дар шаҳри Қӯрғонтеппа ва ноҳияҳои наздики он – Сарбанд, Вахш, Румӣ ва Бохтар шумори шунавандагони радиои «Азия-Плюс» 500-600 ҳазор нафарро ташкил медиҳад.
Директори тиҷоратии радиои «Азия-Плюс» Далер Нурхонов илова намуд, ки пас аз анҷоми эфири техникӣ эфири мукаммал ба ҷумҳуриявӣ ва минтақавӣ тақсим гардида, барои эфири минтақавӣ ҳамарӯза 6 соат вақт ҷудо карда мешавад. «Ин эфир аз мусиқии махсуси интихобшуда, барномаҳои гуногун ва бахши таблиғу реклама барои рекламадиҳандагони минтақавӣ иборат хоҳад буд», - иброз дошт ӯ.
Ёдрас мекунем, ки шабакаи мустақили радиои «Азия-Плюс» барои пахши барномахо дар сатҳи ҷумҳурӣ ва тавассути интернет иҷозатнома дастрас кардааст. Ҳамин тариқ, моҳи апрели соли гузашта пахши барномаҳои радио дар маркази маъмурии вилояти Хатлон – шаҳри Қӯрғонтеппа оғоз гардид. Дар минтақаи ҷануб пахши барномаҳои радио тавассути ҳамон басомади дар пойтахт мавҷуда – 107 FM сурат мегирад.
Радиои ASIA-Plus - нахустин радиои мустақили Душанбе мебошад. Радио 9-уми сентябри соли 2002 дар мавҷи 107 FM садо дода, 24 соат дар шабонарӯз ба забонҳои тоҷикӣ ва русӣ нашрҳои хабарӣ ва барномаҳо пахш мекунад. Шакли барномасозии радио – иттилоотию мусиқӣ аст. Нашрҳои хабарӣ ҳар соат пахш мешаванд.
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Кулли ахбор
Авторизуйтесь, пожалуйста