Шумори ҳалокшудагон бар асари заминларзаи мудҳиш, ки дар қисмати ҷанубу шарқии Туркия, дар музофоти Ван рух дод, метавонад ҳудуди ҳазор нафарро ташкил диҳад, - хабар додааст дар нишасти хабарӣ роҳбари обсерваторияи зилзиласанҷии донишгоҳи Босфор Мустафо Эрдик.
Хабаргузории РИА «Новости» менависад, қувваи заинларза ба 7,2 балл баробар будааст.
Вазири тандурустии Туркия Реҷеб Акдаг гуфтааст, хисороти заминларза бузург буда, дар бораи ҳалокшудагну ҷабрдидагон ҳанӯз маълумоти саҳеҳе дар даст надорад.
Номбурда ҳамчунин зикр кардааст, ки ба макони оафтзада ду ҳавопаймо бо кӯмаки башардӯстона фиристода мешаванд. Дар ҳамин ҳол, тибқи маълумоти мавҷуда то ин дам, шумори ҳалокшудагон 300 тан ва ҷабридагон якчанд ҳазор нафар нишон дода мешавад.
Роҳбари обсерваторияи зилзиласанҷии донишгоҳи Босфор Мустафо Эрдик қаблан изҳор карда буд, ки заминларза 50 манзилҳои истиқоматиро пурра хароб сохта, ба ҳудуди 1 ҳазор бинову иншоот зарари ҷиддӣ расонидааст.
Муовини нахуствазири Туркия Бешир Аталай ба рӯзноманигорон хабар дод, ки дар шаҳри Ван даҳ манзили зист хароб гардида, дар маркази заминларза - музофоти Эрҷиш 25 манзили зист ва хобгоҳи мактаб осеб дидаанд.
Масофаи шаҳри Ван аз маркази заминларза 20 километрро ташкил медиҳад. Коршинсони маҳаллӣ пешбинӣ мекунанд, ки шумори ҳалокшудагон бар асари ин офати табиӣ метавонад аз 500 то ҳазор нафарро ташкил диҳад.
Васоити ахбори умуми маҳаллӣ хотирнишон месозанд, ки соли 1976 низ дар шаҳри Ван ба ин монанд заминларза рух дода, бар асари он 3840 нафар ҳалок шуда буданд.
Шаҳри Ван дар минтақаи ҷанубу шарқии Туркия, дар наздикии марз бо Эрон воқеъ буда, аҳолиаш ҳудуди 320 ҳазор нафарро ташкил медиҳад.
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Кулли ахбор
Авторизуйтесь, пожалуйста