Пас аз сафари эълоннашудаи президенти Иёлоти Муттаҳидаи Амрико Барак Обама ба Афғонистон, рӯзи 2-юми май дар пойтахти ин кишвар дастикам се таркиш ба вуқуъ пайваст.
Бино ба маълумоти хадамоти русии Би-Би-Сӣ бо истинод ба Агентии Рейтер, ки дар навбати худ ба вазири умури дохилии Афғонистон такя мекунад, бар асари ин таркишҳо ду нафар ҳалок шудаанд.
Хабаргузории Lenta.ru бо такя ба France-Presse менависад, дар шаҳри Кобул ду таркиш рух додааст, ки яке аз онҳо дар автомобил аз ҷониби маргталаб анҷом дода шудааст. Бино ба маълумоти пулис, ҳадафи маргталаб меҳмонхона барои хориҷиён будааст. Гуфта мешавад, дастикам 6 нафар ҳалок ва 17 тан ҷароҳат бардоштаанд.
Масъулияти таркишҳоро шуъбаи афғонии ҳаракати «Толибон» ба дӯш гирифтааст. Дар изҳороти ҳаракати «Толибон» гуфта шудааст, яке аз ҷонибдорони ҳаракат бомбро дар назди пойгоҳи низомӣ тарконида, ба дигарӣ муяссар шудааст, ки ба дохил ворид шавад. Аммо дар Вазорати умури дохилии Афғонистон ин иттилоъро рад сохта, изҳор доштаанд, ки танҳо як ҷангии маргталаб иштирок доштааст.
Хабаргузории РИА Новости иттилоъ медиҳад, ки шаби чоршанбе президенти ИМА бо сафари эълонннашуда ба Афғонистон ташриф овард. Ӯ бо сарвари давлати Афғонистон Ҳомид Карзай гуфтушунид анҷом дода, ҳамчунин созишнома миёни ИМА ва Афғонистон дар бораи шарикии стратегиро ба имзо расонидааст. Дар созишнома шартҳои ҳузури низомиёни ИМА пас аз хурӯҷи қисмати зиёди нерӯҳои Созмони Аҳдномаи Атлантикаи Шимолӣ (НАТО) аз Афғонистон дар соли 2014 муқарррар шудаанд.
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Кулли ахбор
Авторизуйтесь, пожалуйста