Як зани 27-сола аз ҷамоати марзии Чоркӯҳи Исфара 10-уми июн чоргоник таваллуд кардааст. Навзодон ҳама духтарча буда, бо усули буриши қайсарӣ дар таваллудхонаи шаҳри Хуҷанд ба дунё омадаанд.
Телевизиони маҳаллии СМ-1 дар як гузориши видеоӣ аз модари чоргоникҳо Мавзуна Сангинова ном бурдааст, ки аз ҳомиладории аввалин писарча ба дунё оварда буд. Ба чоргоникҳо Фотима, Зӯҳро, Аниса ва Мӯниса ном гузоштаанд. Табибон мегӯянд онҳо бо вазни мутаносибан 1,6 кг, 1,8 кг, 1,38 кг ва 1,18 кг ба дунё омаданд.
Гуфта мешавад, вазъи саломатии тифлон пас аз таваллуд вазнин буд ва чанд рӯз зери дастгоҳ қарор доштанд.
“Кӯдакон пеш аз мӯҳлат таваллуд шуданд ва ҳангоми таваллуд вазъи саломатияшон вазнин буд. Норасогии нафас мушоҳида мешуд, ба шӯъбаи интенсивӣ ҷойгир кардем ва ҳоло норасоии нафас бартараф шуда ба шӯъбаи кӯдакон интиқол ёфтанд”,- мегӯяд Зарина Қодирова, мудири шӯъбаи навзодони Таваллудхонаи шаҳри Хуҷанд.
Ин аввалин ҳолати таваллуди чоргоник дар вилояти Суғд нест. Соли 2018 Назокат Ҳодибоеваи 35-сола, сокини ҷамоати Овчӣ Қалъаи Ноҳияи Бобоҷон Ғафуров чоргоник таваллуд карда буд – се писар ва як духтар. Соли 2020 як модари 30-сола аз ноҳияи Қубодиёни вилояти Хатлон панҷгоник ба дунё оварда буд, ки бори аввал дар Тоҷикистон буд. Навзодон ду писару 3 духтарча буданд.
Дар зоишгоҳи шаҳри Хуҷанд давоми имсол 1833 тифл ба дунё омадааст, ки назар ба ҳамин давраи соли гузашта 204 нафар зиёд аст.
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Кулли ахбор
Авторизуйтесь, пожалуйста