Маросими расмии мавриди истифода қарор додани нақби «Чормағзак», ки қаблан аввали моҳи сентябр ба нақша гирифта шуда буд, як моҳ дертар доир мегардад.
Тавре ба ОИ «Азия-Плюс» аз Вазорати нақлиёти ҷумҳурӣ хабар доданд, корҳои сохтмонӣ дар нақб пурра ба анҷом расида, айни замон барои ба истифода додани он ҳеҷ мушкилие ҷой надорад.
Дар маросими расмии мавриди баҳрабрадорӣ қарор додани нақби «Чормағзак» эҳтимоли иштироки президенти мамлакат Эмомалӣ Раҳмон дар назар аст.
Қобили зикр аст, ки сохтмони нақби «Чормағзак» баҳори соли 2010 оғоз гардид. Лоиҳа аз ҷониби ширати чинии «Чайна Роуд» аз ҳисоби воситаҳои қарзии ҳукумати Чин амалӣ гардид. Арзиши умумии лоиҳа ҳудуди 300 млн. сомонӣ (тақрибан 70 млн. $)-ро ташкил дод.
Тибқи ҳисобу китоби коршиносон, пас аз мавриди истифода қарор гирифтани нақб, масофаи роҳи мошингарди Душанбе-Ваҳдат-Кӯлоб дар муқоиса бо масофаи роҳи Душанбе-Қӯрғонтеппа-Кӯлоб 100 километр наздиктар мешавад. Масофаи умумии нақб 4 ҳазору 430 метрро ташкил медиҳад.
Нақб мувофиқи лоиҳаи муштараки Тоҷикистону Чин дар доираи амалисозии лоиҳаи таҷдиди роҳи мошингарди Душанбе-Ваҳдат-Данғара бунёд гардид, ки аз фурудгоҳи Душанбе оғоз гардида, то маркази ноҳияи Данғара тӯл мекашад.
Роҳи мошингарди Душанбе-Ваҳдат-Данғара идомаи роҳи Душанбе-Чанак мебошад, ки дар навбати худ қисмате аз роҳи мошингарди байнулмилалии Чанак-Хуҷанд-Душанбе-Данғара-Кӯлоб-Қалъаи Хумб-Хоруғ-Қулма-Қарақорум маҳсуб меёбад.
Чин ба сохтмони неругоҳҳои офтобӣ дар Тоҷикистон 400 млн доллар маблағгузорӣ мекунад
Дар радабандии рақобатпазирӣ дар бахши сайёҳӣ нишондиҳандаҳои Тоҷикистон каме беҳтар шуданд
Раиси дастгоҳи Иброҳим Раисӣ ҷузъиёти суқути чархболро шарҳ дод
Тайи 1 шабонарӯз дар обҳои Тоҷикистон 2 нафар ғарқ шуданд
Эмомалӣ Раҳмон бо сафари давлатӣ ба Озарбойҷон рафт
Президенти Тоҷикистон дар маросими азои фавтидагони фоҷеа дар Эрон иштирок кард
Арзиши ҳадди ақалли ширкати “Барқи тоҷик” то 1 млрд 330 млн доллар боло рафт
Ӯ мегуфт, “пешрафти Тоҷикистон иззати ҳамаи мост”. Даргузашти Раисӣ ба муносибати Тоҷикистону Эрон чӣ таъсир метавонад расонад?
“Муҳлати дароз, набудани шароит ва меҳтарсолорӣ”. Чаро бархе ҷавонони тоҷик хоҳиши ба хидмати ҳарбӣ рафтанро надоранд?
Аз 25 май дар Душанбе автобусҳои дуошёнаи сайёҳӣ ба равуо оғоз мекунанд
Кулли ахбор
Авторизуйтесь, пожалуйста