Бар асоси гузориши Бонки Ҷаҳонӣ дар бораи иқтисоди Тоҷикистон, вуруди софи интиқоли пул ба Тоҷикистон дар соли 2022 ҳамчун омили асосии рушди иқтисодӣ боқӣ монда, ба ҳадди олии таърихии 49% расид.
Тибқи иттилои расмӣ, Маҷмӯи маҳсулоти дохилӣ (ММД)-и ҷумҳурӣ дар соли 2022 қариб ба 116 млрд сомонӣ (10,5 млрд доллар) расидааст.
Мутаносибан, интиқоли маблағ аз 5,2 млрд доллар гузаштааст, ки ин барои ҷумҳурӣ нишондиҳандаи рекордӣ мебошад. Қабл аз ин, воридоти аз ҳама бештари интиқоли пул дар соли 2014 - ҳудуди 4,2 млрд доллар сабт шуда буд.
Муаллифони гузориш мегӯянд, ки интиқоли пул аз ҷониби муҳоҷирон як манбаи муҳими коҳиши камбизоатӣ дар Тоҷикистон аст.
“Дар хонаводаҳо изҳор мекунанд, ки зиёда аз 80%-и пули интиқолёфта барои харидани маҳсулоти хӯрокворӣ ва ҳудуди 10%-аш барои қонеъ намудани дигар талаботи асосӣ, аз қабили тандурустӣ, манзил ва таълим ва боқимонда барои пасандоз, пардохти қарз ва дигар мақсадҳо истифода мешаванд”, - омадааст дар гузориш.
Ба ақидаи таҳлилгарони Бонки ҷаҳонӣ, ин гувоҳи он аст, ки агар маблағҳои интиқолӣ намебуданд, сатҳи камбизоатӣ дар Тоҷикистон хеле баландтар мешуд.
“Назарпурсиҳои Агентии омори Тоҷикистон нишон медиҳанд, ки аз 22 то 30% аз даромади умумии хонаводаҳо ба интиқоли маблағҳо рост меояд, ки 90%-аш аз Русия ворид мешавад”, - таъкид мешавад дар гузориш.
Мутахассисони Бонки ҷаҳонӣ бар ин назаранд, ки Тоҷикистон яке аз кишварҳои бештар вобаста ба интиқоди маблағҳо дар ҷаҳон боқӣ мемонад. Таъкид мешавад, ки ҳудуди 1 млн нафар муҳоҷирон дар Русия, асосан дар соҳаи сохтмон ва савдои чакана кор мекунанд.
Қобили зикр аст, ки дар бораи ҳаҷми интиқоли маблағ сохторҳои расмии Тоҷикистон ба намояндагони ВАО маълумот намедиҳанд.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста