Аз беморхонаи вилоятии ба номи Бӯрӣ Воҳидови шаҳри Бохтар ба “Азия-Плюс” хабар доданд, ки имрӯз 3-июни июни соли 2022, соати 04 субҳ, соҳибкори 52-сола Маҳмад Сафаров шаби сӯхтор дар бозори "Фаровон" ҳудуди 90% баданаш сӯхта буд, ҷон додааст. Ин соҳибкор сокини шаҳри Кӯлоб будааст

Ҷанозаи ин соҳибкор ба зодгоҳаш шаҳри Кӯлоб бурда шудааст ва имрӯаз дар он ҷо ба хок счупурда мешавад.

Маҳмад Сафаров шаби 1 июн, ҳангоми сӯхтор дар баробари 11 нафари дигар ҷароҳат бардошта буд. Ҷароҳати 11 тани ддигар сабук гуфта мешавад. 

Сафаров ва 11 тани дигар дар кадом ҳолат ва чӣ гуна ҷароҳат бардоштаанд , то кунун маълум нест.  Вале хабарнигори “Азия-Плюс”, ки он шаб дар ҷойи ҳодиса қарор дошт мегӯяд, бисёре аз соҳибкорон талош доштанд молу колои худро наҷот диҳанд.

Ба гуфти масъулини соҳаи тандурустии шаҳру вилоят, аз 12 нафари ҷароҳатбардошта танҳо Маҳмад Сафаров, ки 90% баданаш сӯхта буд бистарӣ шуд ва дигарон баъди кумаки аввалияи тиббӣ ба хонаҳояшон рухсат шуданд.

Дирӯз, 2 июн соли 2022, Раёсати корҳои дохилии вилояти Хатлон хабар дод, ки бино ба маълумоти фаврии гурӯҳи кории таъсисшуда сабаби сар задани сӯхтор расиши кутоҳи ноқилҳои барқӣ дар яке аз ошхонаҳои бозор будааст. Ин ниҳод мегӯяд, ки хлосаи дақиқ аз сабаби сар задани сӯхтор баъди пурра ба анҷом расидани таҳқиқу тафтиши гурӯҳи корӣ пешниҳод мешавад. 

Дар Telegram, Facebook, Instagram, OK ва ВК бо мо бимонед.