Душанбе. 26-уми сентябр. ОИ «Азия-Плюс» - Дар Душанбе ҳангоми ҷанҷол бар асари зарбаи корд зодаи ноҳияи Шаҳристони вилояти Суғд Қурбонбой Наимов ба ҳалокат расид.

Роҳбари дафтари матбуоти Вазорати умури дохилии ҷумҳурӣ Муҳаммадулло Асадуллоев ба ОИ «Азия-Плюс» хабар дод, ки ба гумони даст доштан дар содир кардани ин ҷиноят ҳамшаҳрии кушташуда Олимҷон Ҳомидови 29-сола боздошт шудааст.

            «Пас аз зарба задан бо корд қотил кӯшиш кардааст, ки ба ҷабрдида ёрӣ расонад, вале ҳангоми ба беморхона бурдан дар роҳ Қ.Наимов ба ҳалокат мерасад», - изҳор дошт манбаъ.