Дар минтақаи шимоли кишвар як узви фаъоли Ҳаракати исломии Ӯзбекистон (ҲИӮ) ба 11 соли зиндон маҳкум шуд.
Тавре ба ОИ «Азия-Плюс» раиси мурофиаи судӣ оид ба ин парванда, муовини раиси суди ноҳияи Бобоҷон Ғафуров судя Абдунурулло Ашӯров хабар дод, айбдоршаванда – сокини маҳаллӣ Бахтиёр Маҳкамови 25-соларо суд дар содир намудани ҷиноятҳо мутобиқи моддаҳои 187, қ. 2 (Ташкили иттиҳоди ҷиноятӣ) ва 307 3 (Ташкили фаъолияти ташкилоти экстремистӣ (ифротгароӣ) гунаҳкор эътироф намуда, ӯро ба 11 соли зиндон бо мусодираи амвол ва адои ҷазо дар зиндони низомаш шадид маҳкум намуд.
Судя зикр кард, ки соли 2010 ҳангоми дар шаҳри Маскав қарор доштан айбдоршаванда бо аъзои ҲИӮ – шаҳрвандони Ӯзбекситон вохӯрда, ба сафи ин созмони ҷиноятпеша шомил мегардад. Маҳкамов аз ҷониби кормандони Кумитаи давлатии амнияти миллии ҷумҳурӣ дар вилояти Суғд санаи 24-уми феврали соли равон дастгир шуд.
Бино ба маълумоти мақомоти прокуратураи вилоят, соли 2012 дар вилояти Суғд нисбати 72 тан аз аъзои созмон ва аҳзоби фаъолияташон мамнӯъшуда, аз қабили «Ҳизб-ут-Таҳрир», ҲИӮ, «Ҷамоати Таблиғ» ва ғайра парвандаҳои ҷиноӣ боз шуда буданд.
Ҳаракати исломии Ӯзбекистон созмони исломӣ мебошад, ки соли 1996 аз ҷониби собиқ аъзоёни як қатор ҳизбҳо ва ҳаракатҳои сиёсии дар Ӯзбекистон мамнӯъбуда, тимсоли «Ҷомеаи адолат», «Ҳизби Эҳёи исломӣ», «Ҳизби исломии Туркистон», «Ҷанговарони Ислом» ва ҳоказо таъсис дода шудааст.
Ситоди он то оғоз шудани амалиётҳои зиддитеррористӣ дар Афғонистон, дар шаҳри Қандаҳори ин кишвар воқеъ буд. Аксари аъзоёни ҲИӮ дар ҷанги шаҳрвандии Тоҷикистон ба ҷониби Мухолифини муттаҳидаи тоҷик ширкат варзидаанд. ҲИӮ аз ҷониби аксари кишварҳои ҷаҳон ҳамчун созмони террористӣ эътироф шудааст.
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Кулли ахбор
Авторизуйтесь, пожалуйста