Дар Ӯзбекистон беш аз 12 ҳазор падару модареро, ки дар тарбияи фарзандон бемасъулиятона рафтор карданд, ба ҷавобгарӣ кашидаанд. Дар Тоҷикистон бошад, волидони хонандагонро ба мақомоти додситонӣ даъват кардаанд.
Ба иттилои хабаргузории узбекии Kun.uz, дар соли 2023 беш аз 12 ҳазор волидайне, ки дар тарбияи фарзандон бемасъулиятона рафтор кардаанд, тибқи моддаи 47, қисми 1-и Кодекси ҷавобгарии маъмурии Ӯзбекистон (иҷро накардани ӯҳдадориҳо оид ба тарбия ва таълими фарзанд) ба ҷавобгарӣ кашида шуданд.
Ин ҷазо ба хотири дарсгурезӣ ва бидуни назорат гузоштани хонандагони мактаб нисбати волидонашон татбиқ шудааст.
Дар ҳамин ҳол, дар Душанбе ҳам бархе падару модаронро барои ба дарс ҳозир нашудани фарзандонашон ба мақомот даъват кардаанд.
Як гурӯҳ волидайни хонандагони пойтахт ба “Азия-Плюс” шикоят карданд, ки барои зиёда аз 40 соат ба дарс ҳозир нашудани фарзандонашон пагоҳ, 22-юми феврал, ба Додситонии шаҳри Душанбе даъват шудаанд.
“Новобаста аз оне ки маълумотномаи тиббӣ пешниҳод шудааст ё не, ба додситонӣ бояд ҳозир шуд”, - зикр карданд чанде аз волидон.
Ба гуфтаи онҳо, директори мактабе дар Душанбе (исми директор ва рақами мактаб дастраси “Азия-Плюс” ҳаст) ба ин волидон гуфтааст, “бе чуну чаро рӯзи панҷшанбе бо шиносномаи худ ва шаҳодатномаи фарзанд ба прокуротураи (додситонии) шаҳри Душанбе ҳозир шаванд”.
Ҳоло сабаби дақиқи даъвати падару модарон ба мақомоти додситонӣ маълум нест. Барои шарҳи ин мавзӯъ масъулини Додситонии шаҳри Душанбе ба тамосҳои пайдарпайи “Азия-Плюс” посух надоданд.
Бояд гуфт, ки дар Тоҷикистон соли 2011 Қонуни ҶТ “Дар бораи масъулияти падару модар дар таълиму тарбияи фарзанд” қабул шуд, ки мақсади он “пурзӯр намудани масъулияти падару модар дар таълиму тарбияи фарзанд дар рӯҳияи инсондӯстӣ, ифтихори ватандорӣ, эҳтироми арзишҳои миллӣ, умумибашарӣ ва фарҳангӣ, инчунин ҳифзи ҳуқуқу манфиатҳои фарзанд” арзёбӣ мебошад.
Ёдовар мешавем, ки давоми беш аз 13 сол садҳо падару модарон барои бемасъулиятӣ дар таълиму тарбияи фарзанд ҷазо ё ҷарима шудаанд.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста