Зимни баррасии лоиҳаи қонун «Дар бораи ангишт» дар ҷаласаи палатаи поёнии парлумон вакил Суҳроб Шарифов фаъолияти Вазорати энергетика ва саноати ҷумҳуриро мавриди интиқоди шадид қарор дод.
Ҳангоми суханронӣ ӯ зикр кард, ки муддати 10 сол аст, ки Тоҷикистон дар буҳрони энергетикӣ қарор дорад ва мардум эҳсос намекунад, ки ин вазорат коре мекунаду ба ягон натиҷае муваффақ мегардад.
«Тӯли солҳои истиқлолият дар Тоҷикистон ягон Маркази барқу гармидиҳӣ (МБГ) сохта нашуда, созишномаҳои мавҷуда бо шарикони хориҷӣ дар бораи сохтмони чунин иншоот мавриди амал қарор намегиранд. Ин ҷо ман созишнома бо Чин дар бораи сохтмони МБГ Душанбе-2 бо иқтидори 270 МВт-ро дар назар дорам», - гуфт вай.
Ба андешаи Шарифов, созишномаи мазкур чор сол пеш ба имзо расида, агар он саривақт амалӣ мегардид, мушкилоти таъмини пойтахт ва ноҳияҳои наздики он бо барқ то ҷое ҳал мегардид.
Дар посух ба суханронии вакил, вазири энергетика ва саноати Тоҷикистон Гул Шералӣ изҳор кард, ки дар вазорат оид ба раҳо кардани кишвар аз буҳрони энергетикӣ тарҳҳои зиёде мавҷуданд ва дар ин самт корҳои зиёде ҳам аллакай анҷом дода шудаанд.
Аз ҷумла вай иброз дошт, ки тайи солҳои ахир дар Тоҷикистон нерӯгоҳи Сангтӯда-1, агрегати якуми нерӯгоҳи Сангтӯда-2 ва беш аз 270 нерӯгоҳҳои хурди барқӣ мавриди истифода қарор гирифта, ноҳияҳои баландкуҳ бо зиёда аз 2,5 ҳазор батареяҳои офтобӣ таъмин карда шудаанд.
«Дар робита ба масъалаи сохтмони Маркази барқу гармидиҳии Душанбе-2 гуфта метавонам, ки он замон баъзе мушкилоти техникӣ, аз ҷумла таъмини сохтмончиёни Чин бо манзили зист дар Душанбе вуҷуд дошт. Айни замон ин мушкилот ҳаллу фасл шуда, ман итминон медиҳам, ки сохтмони он ба зудӣ оғоз мегардад», - гуфт вазир.
Ба гуфтаи Гул Шералӣ, ояндаи наздик дар байни ноҳияҳои Исафара ва Конибодоми вилояти Суғд бунёди Маркази барқу гармидиҳӣ бо иқтидори 300 МВт шуруъ мешавад.
Пас аз баррасии муфассал лоиҳаи қонуни мазкур аз ҷониби вакилон маъқул шуморида шуд.
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Кулли ахбор
Авторизуйтесь, пожалуйста