Рӯзи 25 ноябр гуфтугӯи телефонии вазирони корҳои хориҷии Тоҷикистон ва Русия Сироҷиддин Муҳриддин ва Сергей Лавров доир гардид.

Тавре Раёсати иттилооти ВКХ Тоҷикистон хабар медиҳад, зимни гуфтугӯ мусоҳибон қазияеро, ки 12 ноябри соли 2021 дар деҳаи Заларии ноҳияи Заларински вилояти Иркутски Русия рух дода, дар ҷараёни он шаҳрвандони Тоҷикистон кушта шудаанд, муфассал баррасӣ карданд.

Сироҷиддин Муҳриддин таваҷҷуҳи Сергей Лавровро ба зарурати таҳқиқи ҳамаҷонибаи ин ҳодиса ва ҷазои гунаҳкорони ҷиноят ҷалб кард.

“Вазирон ба тавофуқ расиданд, ки қазияи мазкурро таҳти назорати махсуси вазоратҳои корҳои хориҷии Тоҷикистон ва Русия қарор диҳанд”, - зикр мегардад дар маълумоти ВКХ Тоҷикистон.

Гуфта мешавад, дар ҷараёни вохӯрӣ инчунин вазъ ва дурнамои ҳамкориҳои Тоҷикистону Русияро баррасӣ намуда, доир ба баъзе масъалаҳои ҳамкориҳои ду кишвар дар чаҳорчӯби Созмони Аҳдномаи амнияти дастаҷамъӣ бо тамаркуз ба иҷрои карорҳои ҷаласаи Душанбегии Шӯрои амнияти дастаҷамъии СААД табодули афкор намуданд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.