Душанбе. 15-уми август. «Азия-Плюс» — | Ҳар як муҳоҷири меҳнатие, ки дар вақти корӣ дар сохтмони иншооти шаҳри Сочии Русия бо забони модарӣ ҳарф мезанад, 100 рубли русӣ ҷаримабандӣ мегардад, - хабар медиҳад нашриёти русии «Аргументы и факты».
Маъмурияти шаҳри Сочи ин амалро поймолкунии ҳуқуқ нашуморида, ба хотири таъмини амнияти коргарон унвон мекунад, зеро дар иншооти олимпии шаҳри Сочи намояндагони беш аз 20 миллат машғули коранд ва агар ҳар миллате бо забони худ ҳарф занад, рух додани ҳодисаҳои нохуш зимни иҷрои корҳои сохтмону насб аз эҳтимол дур нест.
Ба бинокороне, ки омӯзиши забони русӣ барояшон душвор аст, гузаштан ба гуфтугӯи маъмулии сохтмонии қабулшуда пешниҳод мегардад. Бино ба маълумоти Агентии омори назди президенти Тоҷикистон, феълан 735 ҳазор нафар шаҳрвандони ҷумҳурӣ дар муҳоҷирати меҳнатӣ қарор доранд, вале коршиносон бар ин назаранд, ки ин шумор хеле бештар аст.
Ёдрас мекунем, ки чанде қабл роҳбари Хадамоти федералии муҳоҷирати Русия Константин Ромодановский изҳор дошта буд, ки сатҳи дониши забони русии муҳоҷирони меҳнатие, ки дар Русия фаъолият доранд, бояд санҷида шавад. «Агар шаҳрванди хориҷӣ дар Русия машғули кор бошаду ба мардум хизматгузорӣ намояд, бояд забони русиро балад бошад», - гуфта буд ӯ.
Ҳамчунин Хадамоти муҳоҷирати назди ҳукумати Тоҷикистон дар Русия низ бар ин назар аст, ки дар сатҳи зарурӣ надонистани забони русӣ ва истифода аз ҳуқуқҳои худ мушкилоти аслии муҳоҷирони меҳнатии тоҷик мебошад, ки аз он корфармоҳои беинсофи Русия истифода мекунанд.
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Кулли ахбор
Авторизуйтесь, пожалуйста