Ба қонуни ҶТ “Дар бораи уҳдадории умумии ҳарбӣ” тағйиру иловаҳо ворид шуда, мавриди баррасӣ қарор дорад ва дар наздиктарин фурсат ба парлумон пешниҳод мегардад.
Дар ин бора имрӯз, 17 январ Маликшоҳ Неъматов, раиси Кумитаи ҷавонон, варзиш ва сайёҳӣ зимни нишасти матбуотӣ хабар дод. Вай гуфт, ки ҳангоми эҷоди мушкилот ҳангоми сафарбарии ҷавонон ба сафи қувваҳои мусаллаҳ бо роҳҳои ғайриқонунӣ, комиссияи бевоситае таҳти роҳбарии муовини сарвазири мамлакат, ки муовинони Кумитаи ҷавонон, варзиш ва сайёҳӣ шомили он ҳастанд, дар ин самт кор мебарад.
Тибқи маълумоти Кумитаи ҷавонон, варзиш ва сайёҳӣ, 70 дарсади аҳолии Тоҷикистонро ҷавонон ташкил медиҳанд. Ҷавонони ба таҳсил фарогирифташуда 600 ҳазору 500 нафар мебошанд.
Аммо ҳамасола аҳолии Тоҷикистон то 230 ҳазор нафар зиёд мешавад ва 97 ҳазор нафар ҷавонон бидуни ягон ихтисос ба бозори меҳнат ворид мегарданд. Саркашӣ аз хизмати ҳарбӣ дар миёни ҷавонон яке аз масъалаҳои доғи рӯз ба ҳисоб меравад.
Маликшоҳ Неъматов гуфт, ки дар доираи барномаи ватанпарастии ҷавонон чорабиниҳои зиёд баргузор мегардад. Аз ҷумла, соли 2013 дар самти ватандӯстӣ 50 чорабинии ҷумҳуриявӣ бо фарогирии 20 ҳазор ҷавон ва дар тамоми минтақаҳо 500 чорабинӣ доир гардидаанд, ки дар он 90 ҳазор нафар фаро гирифта шудаанд.
Вай гуфт: “Дар ҳамаи қисмҳои ҳарбӣ чорабиниҳои варзишиву фарҳангӣ доир мекунем. Рӯз то рӯз эҳсос мекунем, ки ба самти дуруст рафта истодаем. Мо шоҳиди он ҳастем, ки ҳоло фарзандони миллат бо чеҳраи кушод ва ба таври ихтиёрӣ хизмати ҳарбӣ мераванд. Ҳамаи инро наметавон нодида гирифт. Вале мушкилот ҳанӯз ҳам вуҷуд дорад”.
Ба андешаи Неъматов, бояд аҳли ҷомеа дар якҷоягӣ бо мақомот талош кунанд, то саркашӣ аз хизмати ҳарбӣ аз байн бурда шавад.
Дар ҳамин ҳол Маҳдӣ Собир, сухангӯйи Маркази тадқиқоти стратегӣ изҳор дошт, ки барои хӯроки як сарбоз дар як моҳ 35 сомонӣ ҷудо мешавад, ки ин ба назар ночиз мерасад.
Раиси Кумитаи ҷавонон, варзиш ва сайёҳӣ гуфт, ки дар чандин қисмҳои ҳарбӣ ҳузур дошт ва мушоҳида кардааст, ки таваҷҷуҳи роҳбарияти давлат ба ин масъала зиёд аст. “Бояд пайи ҳалли чунин мушкилиҳо бошем”, - илова кард Неъматов.
Султон Валиев - вакили пешини парлумону раиси Ховалингу Восеъ даргузашт
Владимир Путин гуфт, робита бо Толибон зарур аст
Матвиенко муовини сарвазири Тоҷикистонро ба Форуми авруосиёии занон ба Петербург даъват кард
Дар Душанбе намояндагии Хадамоти шиносномавӣ - раводидии ВКД Русия боз шуд. Ин ба муҳоҷирони кории тоҷик чӣ медиҳад?
Дар Тоҷикистон боз раъду барқу борони сел дар назар аст
Дар Тоҷикистон 30-солагии таъсисёбии Қӯшунҳои сарҳадиро ҷашн мегиранд
“Шеъраш тасвири зебои шоирона дорад”. Дар Душанбе шаби эҷодии Кӯҳзоди Фатҳулло баргузор шуд
Хоҳиши расмӣ аз Путин: Толибонро аз рӯйхати террористон берун кунед
Зеризаминӣ ё рӯизаминӣ? Дар Душанбе бори дигар масъалаи сохтмони метро баррасӣ шуд
Дар Тоҷикистон зиёда аз 10 ҳазор гектар замин бе об монд
Кулли ахбор
Авторизуйтесь, пожалуйста