Нуриддин Саид, раиси Кумитаи телевизион ва радио, зимни нишасти матбуотӣ имрӯз, 8-уми феврал, дар посух ба суоли хабарнигори “Азия-Плюс” перомуни саҳнаҳои ҳаҷвӣ дар телевизионҳои давлатӣ эътироф кард, ки “дар телевизионҳои тоҷик саҳнаҳои ҳаҷвӣ нестанд ва дар ин самт камбудӣ эҳсос мешавад”.
Ӯ гуфт, ин кумита “борҳо бо ҳаҷвнигорон сари ин масъала сӯҳбат кардааст, вале ба мувофиқа нарасидааст”.
“Бо ҳаҷвнигорони гурӯҳи “Лаҳзаҳои гуворо” дар ин маврид гуфтугӯ кардем. Барои 3-4 барномаи ҳавҷӣ дар 1 моҳ аз 5 то 10 ҳазор сомонӣ пешниҳод кардем. Онҳо розӣ нашуданд. Маблағҳои ҳангуфт аз мо талаб доранд, ки аз тавони Кумита боло аст”, - гуфт Нуриддин Саид.
Раиси Кумитаи телевизион ва радио афзуд, “дар таҳияи баномаҳои ҳаҷвӣ барои телевизион бо Аловиддин Абдуллоев ба мувофиқа расида будем, вале ин ҳаҷвнигори хубамон аз олам даргузашт ва ҳамин тавр, саҳнаҳои ҳаҷвии телевизион холӣ монд”.
Ба гуфтаи ӯ, Кумитаи телевизион ва радио ҳоло бо ҳаҷвнигорон ҳамкориро ба роҳ мондаааст ва дар телевизиони “Тоҷикистон” дар ин хусус озмун ҳам эълон гардидааст.
“Ҳоло бо гурӯҳи ҳаҷвии “Хандинкамон” ва дигар ҳаҷвнигорон ҳамкориро ба роҳ мондаем ва саҳнаҳои ҳаҷвӣ дар минбаъда ба телевизион бармегардед”, - таъкид кард Нуриддин Саид.
Бояд гуфт, чанд соли охир дар чорабиниҳои расмӣ ва телевилионҳои давлатӣ саҳнаҳои ҳаҷвӣ ба намоиш гузошта намешаванд. Тамошобинон ахиран аз барномаҳои Соли навӣ ҳам интиқод карда, гуфтанд, “дар шабу рӯзи соли нав дар телевизионҳои тоҷик ҳама саҳнаҳои кӯҳна намоиш дода шуд”.
Ҳаҷвнигорон нигаронӣ доранд, ки онҳоро даъват намекунанд, соҳибназарон мегӯянд, муҳтавои пасти саҳнаҳои ҳаҷвӣ сабаби аслии дур шудани ҳаҷв аз чорабиниҳои расмӣ ва телевизионҳои давлатӣ гардидааст. Баҳси мазкур чанде пештар дар матлаби алоҳидаи “Азия-Плюс” мавриди таҳлил қарор дода шуд.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста