Рафтору гуфтор ва муносибати неки падару модар бо кӯдак асоси волидии мусбатро ташкил медиҳад. Зимнан ба сифатҳои беҳтарини фарзанд дар ҳаёти ҳамарӯзаи ӯ таваҷҷуҳ мешавад. Падару модар ба фарзанди худ бо муҳаббат ва дилсӯзӣ муносибат намуда, ӯро ҷазо намедиҳанд ва намезананд.

Матлаби чандрасонаии “Оила – макони меҳрубонӣ” аз видеоподкасту радиомусоҳибаи коршиносони варзида, филми тасвирӣ, наворҳои иҷтимоӣ бо назарпурсии шахсиятҳои шинохта, радиоспектакл, ҳамчунин расму суратҳои мавзӯӣ ва матни таҳлилӣ иборат аст.

Он дар нишонии интернетии зерин дастрас мебошад, ки бо кушоданаш муҳтавои ҷолибу омӯзандаро дидаву шунида ва хонда метавонед.

👉 https://mehruboni.tilda.ws

 

ОИЛА – МАКОНИ МЕҲРУБОНӢ

 

Зарурати тарбияи кӯдакон бидуни хушунат баъд аз қабули як қатор қонунҳо, аз ҷумла, “Дар бораи пешгирии зӯроварӣ дар оила”, ҳамчунин ворид намудани тағйиру иловаҳо ба Кодекси ҳуқуқвайронкунии маъмурии Ҷумҳурии Тоҷикистон дар хусуси манъи зӯроварӣ ё таҳдиди истифодаи он зимни иҷрои уҳдадориҳо оид ба парасторӣ, таълим ва тарбияи ноболиғон аҳамияти бештар пайдо кардааст.
Ин матлаби чандрасонаӣ бо ҳамоҳангсозии Кумитаи кор бо занон ва оилаи назди Ҳукумати Ҷумҳурии Тоҷикистон дар доираи Ташаббуси муштараки Иттиҳоди Аврупо ва Созмони Милали Муттаҳид «Нури рӯшноӣ» таҳия гардид. 

Суратҳо аз ЮНИСЕФ-Тоҷикистон ва шахсиятҳои шинохтае, ки дар ин матлаби чандрасонаӣ зикрашон ҳаст, дастрас ва истифода шуданд.

Дар Telegram, Facebook, Instagram, OK ва ВК бо мо бимонед.