Вакилони Маҷлиси намояндагони Маҷлиси Олии ҶТ аз Ҳизби наҳзати исломии Тоҷикистон Муҳиддин Кабирӣ ва Саидумар Ҳусайнӣ тағйирот ба Қонуни ҶТ «Дар бораи интихоботи президенти Тоҷикистон»-ро, ки моҳи июли соли 1994 қабул шуда буд, таҳия ва ба палатаи поёнии парлумони кишвар ирсол намудаанд.
Тавре ба ОИ «Азия-Плюс» яке аз муаллифони тасҳеҳот, раиси ҲНИТ Муҳиддин Кабирӣ иттилоъ дод, тағйироти таҳияшуда ба таъмини шаффофияти маъракаи интихоботи соли ояндаи президенти Тоҷикистон нигаронида шуда, таъмини иштироки баробари намояндагони аҳзоби сиёсӣ дар комиссияҳои интихоботии маҳалли фаъолияти ташкилотҳои ҳизбиро пешбинӣ мекунанд.
«Мувофиқи тағйирот, номзади пешбаришуда ба мансаби президентӣ бояд аз ҷониби ду фоизи шаҳрвандони дорои ҳуқуқи овоздиҳии Тоҷикистон дастгирӣ ёфта, номзадҳои аз ҷониби аҳзоби сиёсӣ пешбаришуда, ки дар интихоботи парлумонӣ ба дастрасии панҷ ё зиёда аз он фоизи овозҳо соҳиб шудаанд, бояд аз ҷамъоварии имзоҳо барои дастгирии номзадӣ озод карда шаванд», - таъкид кард раиси ҲНИТ.
Ба қавли М.Кабирӣ, тибқи тағйирот, протоколҳои натиҷаҳои овоздиҳӣ бояд дар се нусха тартиб дода шуда, аз ҷониби раис, муовинони раис, котиб ва аъзои комиссияи интихоботӣ ба имзо расанд. «Як нусха аз он ба Комиссияи интихоботии ҳавзавии аз ҷониби Комиссияи марказии интихобот ва раъйдиҳӣ таъиншуда фиристода шуда, нусхаи дигар дар ҷойи намоён барои шиносоии интихобкунандагон ва нозирон овехта шавад ва нусхаи сеюм то муҳлати муқарраршуда дар комиссияи интихоботии минтақавӣ нигоҳ дошта шавад», - иброз дошт вакил.
Муҳиддин Кабирӣ изҳори боварӣ намуд, ки вакилони палатаи поёнии парлумони ҷумҳурӣ аз аҳзоби сиёсии дигар тағйироти аз ҷониби ҲНИТ пешниҳодшуда ба қонуни мазкурро дастгирӣ мекунанд.
Дар Тоҷикистон боз раъду барқу борони сел дар назар аст
Дар Тоҷикистон 30-солагии таъсисёбии Қӯшунҳои сарҳадиро ҷашн мегиранд
Дар Душанбе намояндагии Хадамоти шиносномавӣ - раводидии ВКД Русия боз шуд. Ин ба муҳоҷирони кории тоҷик чӣ медиҳад?
“Шеъраш тасвири зебои шоирона дорад”. Дар Душанбе шаби эҷодии Кӯҳзоди Фатҳулло баргузор шуд
Хоҳиши расмӣ аз Путин: Толибонро аз рӯйхати террористон берун кунед
Зеризаминӣ ё рӯизаминӣ? Дар Душанбе бори дигар масъалаи сохтмони метро баррасӣ шуд
Дар Тоҷикистон зиёда аз 10 ҳазор гектар замин бе об монд
“Мепурсанд, ки магар наметарсед?”. Кору рӯзгори заноне, ки дар Тоҷикистон ба кирокашӣ машғуланд
Давлаталӣ Саид: Барои бунёди корхона ба як ширкати чинӣ замин ҷудо кунед
Эмомалӣ Раҳмон муҳимияти тадбирҳо оид ба ҳифзи ҳуқуқи муҳоҷиронро таъкид кард
Кулли ахбор
Авторизуйтесь, пожалуйста