Рузи 18-уми январ дар мачмааи варзишии «Точикстандарт» «Фестивали дуюми Будо», ки дар он намояндагони федератсияҳои «Каратэ-до», «Кёкуншинкай», «Сумо», «Тэквандо» «Дзюдо», «Айкидо» баромад хоханд кард. Дар ин бора имрӯз дар рафти конфронси матбуотӣ намояндаи сафорати Ҷопон дар Тоҷикистон Такаоки Коматсу хабар дод.
Фестивали мазкур бо дастгирии сафорати Ҷопон дар Тоҷикистон ва Кумитаи кор бо ҷавонон, варзиш ва сайёҳи баргузор мегардад. Қайд карда шуд, ки нахустин «Фестивали Будо» дар Тоҷикистон соли 2009 гузаронида шуда буд ва дар он варзишгарон дар навъхои гуногуни варзишҳои ҷопонӣ қувваозмоӣ кардаанд.
Тавре созмондиҳандагони фестивал зикр карданд, мақсади аз баргузории фестивали навбатӣ таҳкими муносибатҳои Тоҷикистону Ҷопон дар самти рушди варзиш ва ҷалби бештари варзишгарон ба ин навъхои варзиш мебошад.
Намояндаи сафорати Ҷопон зимни суханронӣ қайд кард, ки сафорат омода аст, ҳамаҷониба рушди навъҳои варзиши ҷопониро дар Тоҷистон дастгирӣ созад. «Айни замон лоиҳаҳои гуногун дар самти варзиш, фарҳанг, иқтисод миёни Тоҷикистону Ҷопон амалӣ мешаванд. Дар ояндаи наздик чорабиниҳои муштараки варзишӣ бо иштироки варзишгарони ҷопониву тоҷикистонӣ доир мегарданд», - гуфт Такаоки Коматсу.
Зимнан иштирокдорони конфронс қайд карданд, ки сохтмони иншоотҳои варзишӣ ҷиҳати ҳарчи бештари ҷаонон ба варзиш дар ноҳияҳои дурдаст муҳим аст. Сафорати Ҷопон омодагии худро дар ин самт иброз дошт.
Кӣ ва чӣ тавр ба тоҷикон дар Русия кӯмак мекунад?
Дар Тоҷикистон барои монеи таҳсили хонандагон шудан ҷавобгарии ҷиноятӣ пешбинӣ гардид
Кишти баҳорӣ дар Тоҷикистон дар арафаи анҷомёбист, вале камобӣ эҳсос мешавад
Дар семоҳаи аввали соли 2024 чӣ қадар тоҷикистониён ба Русия рафтаанд?
Тоҷикистон то охири ҳамин моҳ ба ҳалқаи ягонаи энергетикии Осиёи Марказӣ бармегардад
Афғонистон аз ҳуқуқи овоздиҳӣ дар СММ барои пардохт накардани аъзоҳаққӣ маҳрум шуд
Вазири корҳои дохилии Русия: “Муҳоҷирон ҳамагӣ ба 4%-и ҷиноятҳо даст доранд”
Дар Тоҷикистон кӯдакон дигар идгардак намекунанд
КҲФ боз аз хатари омадани селҳо огоҳ кард
Нақшаи даъвати ҳарбӣ дар Хатлон 100% иҷро шуд
Кулли ахбор
Авторизуйтесь, пожалуйста